கீழ அக்ரஹாரம் சாலை மோசம்: மக்கள் அவதி

கிருஷ்ணராயபுரம்:கிருஷ்ணராயபுரம் அடுத்த கீழ அக்ரஹராம் பகுதியில் ஏராளமானோர் வசித்து வருகின்றனர். இவர்களின் போக்குவரத்து வசதிக்காக, சாலை அமைக்கப்பட்டுள்ளது. இந்த சாலை வழியாக மக்கள் வாகனங்களில் சென்று வருகின்றனர். சில வாரங்களுக்கு முன், கீழ அக்ரஹராம் சாலையில் குடிநீர் குழாய் அமைக்கும் பணி நடந்தது. இதில், சாலை பறிக்கப்பட்டு மூடியபின், பல இடங்களில் கற்கள் பெயர்ந்து குவியலாக உள்ளது. இதனால் சாலை வழியாக குடியிருப்பு வாசிகள் செல்லும் போது சிரமத்துக்குள்ளாகின்றனர். எனவே, சாலையை சமன்படுத்தி வாகன ஓட்டிகள் எளிதாக செல்லும் வகையில் நடவடிக்கை எடுக்க வேண்டும் என, மக்கள் கோரிக்கை விடுத்துள்ளனர்.