கதண்டு கடித்த தொழிலாளர்களிடம் நலம் விசாரித்த மாஜி அமைச்சர்

கரூர், கரூர் அருகே கதண்டு கடித்த, 100 நாள் வேலை திட்ட தொழிலாளர்களை சந்தித்து, அ.தி.மு.க., முன்னாள் அமைச்சர், தி.மு.க., - எம்.எல்.ஏ., ஆகியோர் சந்தித்து உடல் நலம் விசாரித்தனர்.கரூர் மாவட்டம், நெரூரில் நேற்று முன்தினம் மதியம், 100 நாள் வேலை திட்டப் பணியில் தொழிலாளர்கள் பலர் ஈடுபட்டிருந்தனர். அப்போது, ஒரு மரத்தில் கூட்டில் இருந்த கதண்டுகள் கூட்டமாக வெளியேறி, 100 நாள் திட்டப் பணியாளர்கள் இளவரசி, சுஜாதா, காமாட்சி மற்றும் வாய்க்காலில் குளித்து கொண்டிருந்த ராஜேஷ் ஆகிய, நான்கு பேரை கடித்தது.இதையடுத்து, கரூர் அரசு மருத்துவக் கல்லுாரி மருத்துவமனையில் சிகிச்சை பெற்று வந்த நான்கு பேரையும், அ.தி.மு.க., முன்னாள் அமைச்சர் விஜய பாஸ்கர் நேற்று முன்தினம் சந்தித்து உடல் நலம் விசாரித்தார். நேற்று மதியம் கரூர் தி.மு.க., - எம்.எல்.ஏ., செந்தில் பாலாஜி, நான்கு பேரையும் சந்தித்து உடல் நலம் விசாரித்தார்.