தனியார் ஊழியரிடம் மொபைல்போன் பறித்த சிறுவன் உட்பட 4 பேர் கைது

ஓசூர், :தனியார் நிறுவன ஊழியரிடம் மொபைல்போன் பறித்த சிறுவன் உள்பட 4 பேரை போலீசார் கைது செய்தனர்.கிருஷ்ணகிரி மாவட்டம், ஓசூர் அருகே பேகேப்பள்ளி எழில் நகரை சேர்ந்த அன்பழகன், 27. தனியார் நிறுவனத்தில் மேற்பார்வையாளராக உள்ளார். கடந்த, 20ம் தேதி மாலை, 5:30 மணிக்கு நிறுவனத்தின் அருகே நடந்து சென்றார். அப்போது, இரு ஹோண்டா டியோ ஸ்கூட்டர்களில் வந்த நான்கு பேர் கொண்ட கும்பல், 18,000 ரூபாய் மதிப்புள்ள அன்பழகனின் மொபைல்போனை பறித்து சென்றது. அவரது புகார்படி, சிப்காட் போலீசார் வழக்குப்பதிந்து விசாரித்தனர்.இதில், ஓசூர் அருகே கோவிந்த அக்ரஹாரம் ராஜாஜி நகரை சேர்ந்த ரிஷூ சிங், 19, மூக்கண்டப்பள்ளி எம்.ஜி.ஆர்., நகரை சேர்ந்த கிரண், 19, தர்மபுரி மாவட்டம், நல்லம்பள்ளியை சேர்ந்த சிவகணேஷ், 20, ஓசூர் கோவிந்த அக்ரஹாரத்தை சேர்ந்த, 17 வயது சிறுவன் ஆகியோர் மொபைல்போனை பறித்து சென்றது தெரிந்தது. அவர்களை நேற்று முன்தினம் கைது செய்த போலீசார், மொபைல்போனை பறிமுதல் செய்தனர்.