காப்புக்காடு பகுதியில் கவிழ்ந்த ஆம்னி பஸ்

போச்சம்பள்ளி, கர்நாடக மாநிலம், பெங்களூருவிலிருந்து திருவண்ணாமலை நோக்கி சென்ற, தனியார் ஆம்னி பஸ், நேற்று அதிகாலை, 3:00 மணிக்கு, கிருஷ்ணகிரி மாவட்டம், தொகரப்பள்ளி காப்புக்காட்டில் உள்ள வளைவில் கட்டுப்பாட்டை இழந்து கவிழ்ந்தது. இதில் வந்த பயணிகள் சிறு, சிறு காயங்களுடன் உயிர் தப்பினர். இதேபகுதியில் கடந்த, 2 மாதங்களுக்கு முன் ஓசூரிலிருந்து திருவண்ணாமலைக்கு வளைகாப்பு நிகழ்ச்சிக்கு சென்ற டூரிஸ்ட் வாகனம் கவிழ்ந்து, 15க்கும் மேற்பட்டோர் காயமடைந்தனர். தொடர்ச்சியாக இதே பகுதியில், அடிக்கடி விபத்து நடப்பதால் அப்பகுதியில் எச்சரிக்கை பலகை வைத்து, வேகத்தடை அமைக்க வேண்டுமென, வாகன ஓட்டிகள் கோரிக்கை விடுத்துள்ளனர்.