அரசியல் கட்சிகளுக்கு விளக்கம் கேட்டு கடிதம்

மதுரை : மதுரை மாவட்டத்தில் பதிவு செய்து அங்கீகரிக்கப்படாத 4 அரசியல் கட்சிகள் 2019ம் ஆண்டு முதல் 6 ஆண்டுகளாக எந்த ஒரு தேர்தலிலும் போட்டியிடவில்லை. இதுகுறித்து விளக்கம் கேட்டு கடிதம் அனுப்பப்பட்டுள்ளது. இதன்படி அகில இந்திய தாயக மக்கள் முன்னேற்ற கட்சி, எழுச்சி தமிழர்கள் முன்னேற்றக் கழகம், மனித உரிமைகள் கழகம், தென்னிந்திய பார்வர்டு பிளாக் ஆகிய 4 கட்சிகளும் கடிதத்தில் குறிப்பிட்டுள்ள தேதியில் சென்னை தலைமை செயலகத்தில் உள்ள தலைமை தேர்தல் அலுவலர் மற்றும் அரசுச் செயலாளர் முன்பாக கட்சியின் தலைவர், பொதுச் செயலர் நேரில் ஆஜராகி விளக்கமளிக்க வேண்டும் என தெரிவிக்கப்பட்டுள்ளது என கலெக்டர் பிரவீன்குமார் தெரிவித்துள்ளார்.