வட்ட அளவில் தடகள போட்டி அரசு மகளிர் பள்ளி சாம்பியன்

குமாரபாளையம்: குமாரபாளையம் வட்ட அளவிலான தடகள போட்டி, தனியார் கல்லுாரியில், மூன்று நாட்கள் நடந்தது. 35க்கும் மேற்பட்ட அரசு, தனியார் பள்ளி மாணவ, மாணவியர் பங்கேற்றனர். பெண்கள் பிரிவில், குமாரபாளையம், அரசு மாதிரி மகளிர் மேல்-நிலைப்பள்ளி மாணவியர், 192 புள்ளிகள் பெற்று சாம்பியன் பட்டம் பெற்றனர். 14 வயதுக்குட்பட்ட மாணவியர் பிரிவில் சோபிகா, தனலட்சுமி, 15 புள்ளிகள் எடுத்து தனிநபர் சாம்பியன் பட்டம் பெற்றனர். 17 வயதுக்குட்பட்ட மாணவியர் பிரிவில் மவுனிகா, 15 புள்ளிகள் பெற்று தனிநபர் சாம்பியன் பட்டம் பெற்றார். 19 வயதுக்குட்பட்ட மாணவியர் பிரிவில் கனிஷ்கா, மேகா, 15 புள்ளிகள் பெற்று தனிநபர் சாம்பியன் பட்டம் பெற்-றனர்.வெற்றி பெற்ற மாணவியரை, தலைமை ஆசிரியை காந்த ரூபி, பெற்றோர் ஆசிரியர் கழகம் மற்றும் பள்ளி மேலாண்மை குழு-வினர் பாராட்டினர். இவர்கள், மாவட்ட அளவிலான போட்டி-களில் விளையாட உள்ளனர்.