முட்டை விலை 5 காசு உயர்வு

நாமக்கல்:நாமக்கல்லில் தேசிய முட்டை ஒருங்கிணைப்புக்குழு கூட்டம், நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 565 காசுக்கு விற்ற முட்டை விலை, 5 காசு உயர்த்தி, 570 காசாக நிர்ணயம் செய்யப்பட்டது. கடந்த, 1ல், 420 காசாக நிர்ணயம் செய்யப்பட்ட கொள்முதல் விலை, படிப்படியாக உயர்ந்து வருகிறது. இரண்டு வாரத்தில், 1.50 காசு அதிகரித்துள்ளது. கொள்முதல் விலை மேலும் உயர வாய்ப்பு உள்ளதால், பண்ணையாளர்கள் மகிழ்ச்சி அடைந்துள்ளனர்.நாட்டின் பிற மண்டலங்களில் முட்டை விலை (காசுகளில்) நிலவரம்:சென்னை, 625, ஐதராபாத், 545, விஜயவாடா, 540, பர்வாலா, 470, மும்பை, 610, மைசூரு, 615, பெங்களூரு, 615, கோல்கட்டா, 575, டில்லி, 500 என, நிர்ணயம் செய்யப்பட்டுள்ளது.முட்டைக்கோழி ஒரு கிலோ, 103 ரூபாய், கறிக்கோழி ஒரு கிலோ, 136 ரூபாய் என, எவ்வித மாற்றமும் செய்யாமல், அதே விலை நிர்ணயம் செய்யப்பட்டது.