சுகாதார சீர்கேடு
குன்னுார்: குன்னுார் டி.டி.கே, சாலையில் திறந்தவெளியில் கழிப்பிட கழிவுநீர் ஓடுவதால் சுகாதார சீர்கேடு ஏற்பட்டுள்ளது. குன்னுார் டி.டி.கே, சாலையில் தினமும் நுாற்றுகணக்கான வாகனங்கள் சென்று வருகின்றன. இங்கு திறந்தவெளியில் ஓடும் கழிப்பிட கழிவுநீரால் சுகாதாரக்கேடு ஏற்பட்டு, மாணவ, -மாணவிகளும் பொதுமக்களும் நடமாட முடியாமல் அவதிப்படுகின்றனர். மக்கள் புகார் தெரிவித்தும் நகராட்சி நிர்வாகம் எந்த நடவடிக்கையும் எடுக்கவில்லை. இப்பகுதியில் துர்நாற்றம் வீசுவதால் தொற்றுநோய் பரவும் அபாயம் ஏற்பட்டுள்ளது. எனவே, அதிகாரிகள் ஆய்வு செய்து, உரிய நடவடிக்கை எடுக்க வேண்டும்.