நீலகிரி பசுந்தேயிலைக்கு ரூ.15.34 விலை நிர்ணயம்

குன்னுார்;நீலகிரி மாவட்டத்தில் விளையும் பசுந்தேயிலை, கிலோவுக்கு, 15.34 ரூபாய் விலை நிர்ணயம் செய்யப்பட்டது.குன்னுார் தேயிலை ஏல மையத்தில் ஏலம் விடப்படும், தேயிலை துாளுக்கு கிடைக்கும் விலையின் அடிப்படையில், பசுந்தேயிலைக்கு விலை நிர்ணயம் செய்யப்படுகிறது.இதன்படி, நீலகிரியில் சிறு தேயிலை தொழிற்சாலைகளில் உற்பத்தியாகும் தேயிலை துாள், டிச., மாத ஏலத்தின் அடிப்படையில்,பசுந்தேயிலைக்கான விலை நிர்ணயத்தை குன்னுாரில் உள்ள தேயிலை வாரியம் அறிவித்துள்ளது.அதன்படி, டிச., மாதத்திற்கான பசுந்தேயிலை, கிலோ, 15.34 ரூபாய் என விலை நிர்ணயம் செய்யப்பட்டுள்ளது. கடந்த நவ., மாதம், 15.40 ரூபாய் என விலை நிர்ணயம் செய்யப்பட்டு இருந்தது.