போதை பொருட்கள் வேண்டாம்; ஊட்டியில் விழிப்புணர்வு கலை நிகழ்ச்சி

ஊட்டி; ஊட்டி கலெக்டர் அலுவலக வளாகத்தில் போதை பொருட்களுக்கு எதிரான விழிப்புணர்வு கலை நிகழ்ச்சி நடந்தது. ஊட்டி கலெக்டர் அலுவலக வளாகத்தில் மதுவிலக்கு மற்றும் ஆய தீர்வை துறை சார்பில், 'போதை இல்லா நீலகிரி அதுவே நம் இலக்கு,' என்ற விழிப்புணர்வு கலை நிகழ்ச்சி நடந்தது. தொடர்ந்து, போதை பொருட்களுக்கு எதிரான விழிப்புணர்வு நிகழ்ச்சி மாவட்டம் முழுவதும் பல்வேறு இடங்களில் நடக்கிறது. விழிப்புணர்வு நிகழ்ச்சியை, கலெக்டர் லட்சுமி பவ்யா துவக்கி வைத்தார். அதில், போதை மருந்துகளின் கெடுதல்; நம் கடமைகள்; போதை இல்லா வாழ்க்கையின் நன்மைகள் உள்ளிட்ட தலைப்புகளில் கலை நிகழ்ச்சிகள் மூலம் விழிப்புணர்வு ஏற்படுத்தப்பட்டது.'போதை தடுப்பு குறித்து உதவி தேவைப்படுபவர்கள், 9489380581; 9498410581 என்ற மொபைல் எண்களில் தொடர்பு கொள்ளலாம்,' என, தெரிவிக்கப்பட்டுள்ளது.