முன்னாள் மாணவர்கள்-ஆசிரியர்கள் சந்திப்பு
ஆர்.எஸ்.மங்கலம், : ஆர்.எஸ்.மங்கலம் அரசு ஆண்கள் மேல்நிலைப்பள்ளி முன்னாள் மாணவர்கள் மற்றும் ஆசிரியர்கள் சந்திப்பு கூட்டம் தலைமை ஆசிரியர் சுயம்புலிங்கம் தலைமையில் நடந்தது.முன்னாள் மாணவர் சங்கத் தலைவர் சசிகுமார், ஒருங்கிணைப்பாளர் அப்பாஸ் முன்னிலை வகித்தனர். கூட்டத்தில் பள்ளியின் வளர்ச்சி குறித்தும், மாணவர்களின் கற்றல் மேம்பாடுகள் குறித்தும் முன்னாள் மாணவர்கள் ஆசிரியர்களிடம் கேட்டறிந்தனர். தொடர்ந்து அரசுப் பள்ளி மாணவர்களுக்கு தேவையான நலத்திட்ட உதவிகள் குறித்தும் முன்னாள் மாணவர்கள் கேட்டறிந்தனர்.ஆசிரியர்கள் ராமகிருஷ்ணன், சதக்கத்துல்லா,, ஜோதி, காளியம்மாள், பொன்னி, மாணவர் சங்க நிர்வாகிகள் கந்தசாமி, பகுர்தீன், ஜெயக்குமார், காளிதாஸ், அயூப்கான், பரக்கத் அலி உட்பட பலர் கலந்து கொண்டனர்.