கடலாடி தாலுகா அலுவலகத்தில் அடிப்படை வசதியின்றி அவதி
கடலாடி : -கடலாடி தாலுகா அலுவலகத்தில் தேவையான அடிப்படை கழிப்பறைகள் மற்றும் குடிநீர் வசதிகள் இன்றி மக்கள் சிரமப்படுகின்றனர்.கடலாடி தாலுகாவிற்கு 42 வருவாய் கிராமங்கள் உள்ளன. கடலாடி, சாயல்குடி, சிக்கல் உள்ளிட்ட பல்வேறு கிராமங்களில் இருந்து ஏராளமான பொதுமக்கள் வேலை நாட்களில் அலுவலகத்திற்கு வருகின்றனர். பொதுமக்கள் பயன்பாட்டிற்கான கழிப்பறை வசதி ஏதுமின்றி உள்ளது. இதனால் அருகிலுள்ள நிலங்களுக்குச் சென்று திறந்த வெளியில் பயன்படுத்துகின்றனர். எனவே கடலாடி தாலுகா அலுவலகத்திற்குள் தனியாக சுகாதார வளாகம் மற்றும் குடிநீர் வசதி செய்து தர வேணடும் என மக்கள் வலியுறுத்தினர்.