ரூ.25 லட்சத்தில் பரமக்குடி அரசு கலை கல்லுாரி ரோடு

பரமக்குடி, : தினமலர் நாளிதழ் செய்தி எதிரொலியாக பரமக்குடியில் சேதமடைந்த அரசு கலை கல்லுாரி ரோடு புதிய ரோடு பணி துவங்கியது. பரமக்குடி அரசு கலை மற்றும் அறிவியல் கல்லுாரியில் 2500க்கு மேற்பட்ட மாணவர்கள் படிக்கின்றனர். இந்நிலையில் மதுரை, மண்டபம் ரோட்டில் இருந்து கல்லுாரி செல்லும் பகுதி வரை ரோடு குண்டும் குழியுமாக இருந்தது. இதுகுறித்து தொடர்ந்து தினமலர் நாளிதழ் செய்தி வெளியானது. அவ்வப்போது கற்களைக் கொட்டிய சீர் செய்தனர். இந்நிலையில் 2025-26 ம் ஆண்டு பரமக்குடி எம்.எல்.ஏ., தொகுதி மேம்பாட்டு நிதியில் ரூ. 25 லட்சத்தில் தார் ரோடு அமைக்க பூஜை நடந்தது. பரமக்குடி எம்.எல்.ஏ., முருகேசன் பணியை துவக்கி வைத்தார். நகராட்சி தலைவர் சேது கருணாநிதி, தி.மு.க., பொதுக்குழு உறுப்பினர் அருளாந்து பங்கேற்றனர்.