தொண்டி கடலில் நீர்மட்டம் உயர்வால் சாலையில் அரிப்பு

தொண்டி: தொண்டி கடலில் நீர் மட்டம் உயர்ந்து சாலைக்கு வந்தததால் சாலை ஓரங்களில் அரிப்பு ஏற்பட்டது. வங்கக் கடலில் காற்றழுத்த தாழ்வு மண்டலம் உருவாகியுள்ளதால் தொண்டி பகுதியில் நேற்று காலை முதல் பலத்த மழை பெய்து வருகிறது. கடல் நீர் மட்டம் உயர்ந்ததால் மகாசக்திபுரம் கடற்கரை சாலை வரை கடல் நீர் வந்தது. இதனால் சாலை ஓரங்களில் அரிப்பு ஏற்பட்டது. புதுக்குடி குடியிருப்பில் வீடுகள் வரை கடல் வந்ததால் மீனவர்கள் அச்சமடைந்தனர். இது குறித்து மீனவர்கள் கூறுகையில், நேற்று கடல் சீற்றமாக காணபட்டது. வழக்கத்தை காட்டிலும் கடல் நீர் மட்டம் உயர்ந்து சாலைக்கு வந்ததால் சாலை ஓரங்களில் அரிப்பு ஏற்பட்டது. கடற்கரை ஓரங்களில் உள்ள மின்கம்பங்கள் அபாயத்தில் உள்ளது. பலத்த காற்று வீசாததால் படகுகள் தப்பின என்றனர்.