உத்தரகோசமங்கை பள்ளி மாணவர்கள் சாதனை : ஹாக்கி போட்டிக்கு குவாலியர் பயணம்

உத்தரகோசமங்கை-: உத்தரகோசமங்கை அரசு மேல்நிலைப்பள்ளி மாணவர்கள் ஹாக்கி போட்டியில் வெற்றி பெற்று தேசிய அளவில் போட்டியில் பங்கேற்க குவாலியர் செல்ல உள்ளனர். ராமநாதபுரம் மாவட்டம் உத்தரகோசமங்கை அரசு மேல்நிலைப் பள்ளியில் படிக்கும் பிளஸ் 2 மாணவி ரேச்சல் குணவதி 16, மத்திய பிரதேசம் குவாலியரில் நடக்க உள்ள தேசிய ஹாக்கி போட்டியில் பங்கேற்க தேர்வு செய்யப்பட்டுள்ளார். உத்தரகோசமங்கையை சேர்ந்த இம்மாணவியின் தாய் அதே பள்ளியில் சத்துணவு அமைப்பாளராக பணிபுரிகிறார். எஸ்.ஜி.எப்.ஐ., சார்பில் நடக்கவுள்ள போட்டியில் பங்கேற்க அடுத்த மாதம் (டிச.,) செல்ல உள்ளார். இவர் வருவாய் மாவட்ட அளவில் பள்ளிகளுக்கிடையிலான ஹாக்கி போட்டியில் 19 வயது பிரிவில் மாணவர்கள் முதலிடம், 17 வயது பிரிவில் மாணவர்கள் முதலிடம் பிடித்துள்ளனர். ஹாக்கி போட்டியில் 19 வயதிற்குட்பட்ட மாணவர்கள் திருவண்ணாமலையிலும், திருச்சியில் 17 வயதிற்குட்பட்ட மாணவர்கள் நவ.20ல் போட்டியில் பங்கேற்க உள்ளனர். மேலும் 14 வயது ஹாக்கி பிரிவில் மாணவிகள் இரண்டாமிடம், 14, 17 மற்றும் 19 வயது பிரிவில் மாணவர்கள் இரண்டாமிடம் பிடித்து பள்ளிக்கு பெருமை சேர்த்தனர். தலைமையாசிரியர் வேணி ரத்தினம், உடற்கல்வி ஆசிரியர்கள் சுரேஷ், மகாலிங்கம் உள்ளிட்ட ஆசிரியர்கள் பாராட்டினர்.