மேட்டூர் நீர்மட்டம் 8 நாளில் 4 அடி சரிவு
மேட்டூர்:மேட்டூர் அணையின் மொத்த நீர்மட்டம் 120 அடி. கடந்த 20ல் அணை நீர்மட்டம் முழு கொள்ளளவான 120 அடியில் நீடித்த நிலையில் கர்நாடகா அணைகளில் திறக்கப்பட்ட உபரிநீர் வரத்து குறைந்தது. அதற்கேற்ப மேட்டூர் அணை நீர்வரத்து படிப்படியாக சரியத்தொடங்கியது.நேற்று முன்தினம் 4898 கனஅடியாக இருந்த அணை நீர்வரத்து நேற்று 4551 கன அடியாக சரிந்தது. அதேபோல் 117.44 அடியாக இருந்த நீர்மட்டம் 116.96 அடியாகவும், 89.44 டி.எம்.சி.,யாக இருந்த நீர் இருப்பு 88.70 டி.எம்.சி.,யாகவும் சரிந்தது. அணையில் இருந்து பாசனத்துக்கு 12,000 கன அடி நீர் வெளியேற்றப்பட்டது. 8 நாட்களில் அணை நீர்மட்டம் 4 அடி சரிந்துள்ளது.