ரூ. 4 லட்சத்துக்கு பருத்தி வர்த்தகம்

ஆத்துார்: ஆத்துார் வேளாண் கூட்டுறவு சங்கத்தில், நான்கு லட்சம் ரூபாய்க்கு பருத்தி வர்த்தகம் நடந்தது.ஆத்துார், புதுப்பேட்டை வேளாண் உற்பத்தியாளர் கூட்டுறவு விற்பனை சங்கத்தில் பருத்தி ஏலம் நடைபெற்றது. ஆத்துார், தலைவாசல், திட்டக்குடி, கள்ளக்குறிச்சி, பெரம்பலுார் பகுதி-களில் இருந்து, 41 விவசாயிகள், 58.09 குவிண்டால் பருத்தியை விற்பனைக்கு கொண்டு வந்திருந்தனர். ஆத்துார், திருப்பூர், திருச்சி, சேலம், கோவை வியாபாரிகள் பருத்-தியின் தரத்திற்கு ஏற்ப விலை நிர்ணயம் செய்தனர். பி.டி., ரகம் குவிண்டால், 6,169 முதல், 7,102 ரூபாய், டி.சி.ஹெச்., ரகம் குவிண்டால், 6,789 முதல், 9,369 ரூபாய், கொட்டு பருத்தி (கழிவு) 3,089 முதல், 3,899 ரூபாய் வரை விற்பனையானது. மொத்தம் நான்கு லட்சம் ரூபாய்க்கு பருத்தி வர்த்தகம் நடந்தது.