இரு இடங்களில் விபத்து வாலிபர், மூதாட்டி காயம்

தாரமங்கலம், நங்கவள்ளி கரட்டுப்படியை சேர்ந்தவர் ராஜேஷ், 36. இவர் நேற்று முன்தினம், எக்ஸல் மொபட்டில் சின்னப்பம்பட்டியில், மாமியார் வீட்டிற்கு சென்று விட்டு இரவு, 9:30 மணிக்கு தனது வீட்டிற்கு வந்து கொண்டிருந்தார். அப்போது, கீழ்சின்னாக்கவுண்டம்பட்டி பெட்ரோல் பங்க் அருகே வந்தபோது, தவறாக சாலையின் வலது புறம் வந்த சான்ட்ரோ கார் மோதி கீழே விழுந்தார். இதில் பலத்த காயமடைந்த அவரை மீட்டு, சேலம் தனியார் மருத்துவமனைக்கு அனுப்பி வைத்தனர். ராஜேஷ் தந்தை தங்கம் புகார்படி, தாரமங்கலம் போலீசார் நேற்று வழக்கு பதிந்தனர். * தாரமங்கலம் அருகே பவளத்தானுாரை சேர்ந்தவர் செல்லம்மாள், 80. இவர் கடந்த, 17ல் அங்குள்ள பேக்கரி அருகே சாலையை கடந்தார். அப்போது, பல்சர் பைக்கில் வந்தவர் மோதியதில், செல்லம்மாள் கீழே விழுந்தார். இதில் காயமடைந்த அவரை மீட்டு, சேலம் தனியார் மருத்துவமனைக்கு அனுப்பினர்.பேத்தி கவிப்பிரியா புகார்படி, தாரமங்கலம் போலீசார் நேற்று வழக்கு பதிந்து விசாரிக்கின்றனர்.