ஆயுத பூஜை நிறைவு அரளி விலை சரிவு

பனமரத்துப்பட்டி, பனமரத்துப்பட்டி வட்டாரத்தில், 800 ஹெக்டேரில் பல்வேறு ரகங்களில் அரளி நடவு செய்யப்பட்டுள்ளது. தினமும் அறுவடை செய்யப்படும் அரளி ஒரு கிலோ வீதம் பாக்கெட்டில் அடித்து, வாகனம் மூலம் தமிழகம் முழுவதும், வெளி மாநிலங்களுக்கும் விற்பனைக்கு செல்கிறது.ஆயுத பூஜையை முன்னிட்டு கடந்த 29ல், சாதா அரளி, 340 ரூபாய், மஞ்சள், செவ்வரளி தலா, 360 ரூபாய், 30 மற்றும் 1 ல், சாதா அரளி, 240 ரூபாய், மஞ்சள், செவ்வரளி தலா, 260 ரூபாய்க்கு விவசாயிகளிடம் இருந்து சேலம் வியாபாரிகள் வாங்கினர்.இந்நிலையில் கடந்த 2ல், சாதா அரளி, 70 ரூபாய், மஞ்சள், செவ்வரளி தலா, 100 ரூபாய், 3ல், சாதா அரளி, 60 ரூபாய், மஞ்சள், செவ்வரளி, 80 ரூபாய், 4 மற்றும் 5 ல், சாதா அரளி, 30 ரூபாய், மஞ்சள், செவ்வரளி தலா 50 ரூபாய், நேற்று சாதா அரளி, 30 ரூபாய், மஞ்சள், செவ்வரளி தலா, 50 ரூபாய்க்கு சரிந்தது.