பெங்களூரு - கொச்சுவேலி சிறப்பு ரயில் அறிவிப்பு

சேலம் : பெங்களூருவில் இருந்து கொச்சுவேலிக்கு, சேலம் வழியே சிறப்பு வார ரயில் அறிவிக்கப்பட்டுள்ளது. அதன்படி கொச்சுவேலி - பெங்களூரு ரயில், செப்., 3 முதல், 24 வரை, செவ்வாய்தோறும் மாலை, 6:05க்கு புறப்பட்டு போத்தனுார், திருப்பூர், ஈரோடு, சேலம் வழியே மறுநாள் காலை, 10:55க்கு பெங்களூருவை அடையும். அதிகாலை, 4:10க்கு ஈரோடு, 5:07க்கு சேலம் வந்து செல்லும். மறுமார்க்க ரயில் செப்., 4 முதல், 25 வரை, புதன் மதியம், 12:45க்கு கிளம்பி அடுத்தநாள் காலை, 6:45க்கு கொச்சுவேலியை அடையும். சேலத்துக்கு மாலை, 4:57, ஈரோடுக்கு, 5:50க்கு வந்து செல்லும்.

காட்பாடி வரை இயக்கம்

அரக்கோணம் ரயில்வே யார்டில் பாதுகாப்பு, இயக்கத்துக்கு பொறியியல் பணி மேற்கொள்ளப்பட உள்ளதால் செப்., 1 காலை, 6:20க்கு புறப்படும் கோவை - சென்னை இன்டர்சிட்டி எக்ஸ்பிரஸ், காட்பாடி வரை மட்டும் இயக்கப்படும். மறுமார்க்கத்தில் அன்று மதியம், 2:35க்கு இயக்க வேண்டிய சென்னை - கோவை இன்டர்சிட்டி ரயில் காட்பாடியிலிருந்து மாலை, 4:15க்கு கிளம்பும். இரு மார்க்கத்திலும் காட்பாடி முதல் சென்னை சென்ட்ரல் வரையான சேவை ரத்து செய்யப்படுகிறது என, சேலம் ரயில்வே கோட்ட நிர்வாகம் அறிவித்துள்ளது.