வாழப்பாடியில் இன்று கிழக்குமாவட்ட தி.மு.க., செயற்குழு

சேலம்:சேலம் கிழக்கு மாவட்ட தி.மு.க., செயற்குழு கூட்டம் இன்று காலை, 10:00 மணியளவில் வாழப்பாடியில் உள்ள சேலம் கிழக்கு மாவட்ட தி.மு.க., அலுவலகத்தில் உள்ள கலைஞர் அரங்கில் மாவட்ட அவைத்தலைவர் கருணாநிதி தலைமையில் நடைபெற உள்ளது.இக்கூட்டத்தில், சென்னை அண்ணா அறிவாலயத்தில் நடைபெற்ற மாவட்ட செயலர்கள் கூட்டத்தில், 2026 சட்டசபை தேர்தல் குறித்து 'நாடு போற்றும் நான்காண்டு, தொடரட்டும் பல்லாண்டு', சாதனை விளக்க பொதுக்கூட்டங்கள் நடத்துவது குறித்தும், தி.மு.க., தலைவர் அறிவுறுத்தலின்படி பொதுக்குழு குறித்தும் ஆலோசனை நடைபெற உள்ளது.மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள், நகர, ஒன்றிய, பேரூர் செயலர்கள், முன்னாள். இந்நாள் நாடாளுமன்ற, சட்டசபை உறுப்பினர்கள், முன்னாள், இந்நாள் உள்ளாட்சி அமைப்புகளின் பிரதிநிதிகள் மற்றும் துணை அமைப்புகளான அனைத்து சார்பு அணிகளின் மாவட்ட அமைப்பாளர்கள், துணை அமைப்பாளர்கள் அனைவரும் தவறாமல் கலந்து கொண்டு சிறப்பிக்க வேண்டும்.இத்தகவலை, சேலம் கிழக்கு மாவட்ட செயலாளர் சிவலிங்கம் தெரிவித்துள்ளார்.