அரசு பள்ளி மாணவியர் மாநில போட்டிக்கு தேர்வு
கெங்கவல்லி:கெங்கவல்லி அருகே தெடாவூர் அரசு மேல்நிலைப்பள்ளி மாணவியர், நடப்பு கல்வியாண்டில் பள்ளி கல்வித்துறை சார்பில் நடத்தப்பட்ட மாவட்ட கலைத்திருவிழா போட்டிகளில் முதலிடம் பெற்று மாநில போட்டிக்கு தேர்வு பெற்றனர்.சாதனை படைத்த மாணவியரான, இலக்கிய நாடகத்தில்(சிலப்பதிகாரம்) சுகந்தி, மகேஸ்வரி, திவ்யஸ்ரீ, ராகவி, சுஜிபாலா; வீதி நாடக போட்டியில்(பசுமையும் பாரம்பரியமும்) தர்ஷினி, யாசிகா, ஜிந்துசா, பூஜாமலர், தரணிகா, துர்காதேவி ஆகியோரை, நேற்று பள்ளி வளாகத்தில் தலைமை ஆசிரியர் குருநாதன், உதவி தலைமை ஆசிரியர்கள் ஜெயபால், ரவிசங்கர், பள்ளி மேலாண் குழுவினர், பி.டி.ஏ., நிர்வாகிகள் பாராட்டி, பரிசு வழங்கினர்.