வாரச்சந்தையில் பாகற்காய் ஒரு கிலோ ரூ.400

மானாமதுரை : மானாமதுரை வாரச்சந்தையில் தொடர் மழை எதிரொலி காரணமாக சின்ன பாகற்காய் விலை ஒரு கிலோ ரூபாய் 400க்கு விற்பனை செய்யப்பட்டது.மானாமதுரையில் வியாழக்கிழமை நடைபெறும் வாரச்சந்தையில் மதுரை திண்டுக்கல் ராமநாதபுரம் திருப்புவனம் திருப்பாச்சேத்தி சிவகங்கை இளையான்குடி உள்ளிட்ட பல்வேறு பகுதிகளில் இருந்து 300க்கும் மேற்பட்ட வியாபாரிகள் தடைகளை அமைத்து காய்கறி உள்ளிட்ட பொருட்களை விற்பனை செய்து வருகின்றனர்.கடந்த சில நாட்களாக அனைத்து பகுதிகளிலும் கோடை மழை பெய்வதை தொடர்ந்து நேற்று மானாமதுரை வாரச்சந்தையில் சின்ன பாகற்காய் விலை ஒரு கிலோ ரூ.400க்கு விற்பனை செய்யப்பட்டது. அதேபோன்று சோயா பீன்ஸ், பட்டர் பீன்ஸ், பச்சை பட்டாணி ஒரு கிலோ ரூ. 250 க்கு விற்பனை செய்யப்பட்டது. கத்தரிக்காய் ஒரு கிலோ ரூ.60க்கும்,5 கிலோ தக்காளி ரூ.100க்கும்,பச்சை மிளகாய் ஒரு கிலோ ரூ.60க்கும்,வெண்டைக்காய் 80க்கும் விற்பனை செய்யப்பட்டது.