அழகப்பா பல்கலை தேர்வு முடிவு வெளியீடு

காரைக்குடி: காரைக்குடி அழகப்பாபல்கலை தொலைநிலைக்கல்வி டிச.2024ல் நடைபெற்ற இளநிலை, முதுநிலை, பட்டயப்பிரிவு மற்றும் சான்றிதழ்பிரிவுக்கான தேர்வு முடிவுகள் www.alagappauniversity.ac.inஎன்ற இணையதளத்தில் வெளியிடப்பட்டுள்ளது. நேரடியாக மறுமதிப்பீட்டிற்கு விண்ணப்பிக்க விரும்பும் மாணவர்கள் தேர்வு முடிவு வெளியான 7 நாட்களுக்குள் பாடம் ஒன்றுக்கு ரூ.600 இணைய வழியாக விண்ணப்பிக்கலாம். விடைத்தாள் நகல் பெற விரும்புவோர், தேர்வு முடிவு வெளியான 7 நாட்களுக்குள் விடைத்தாள் நகல் ஒன்றுக்கு ரூ.550 இணைய வழி செலுத்தி விண்ணப்பிக்கலாம். விடைத்தாள் நகல் பெற்று மதிப்பீட்டிற்கு விண்ணப்பிக்க விரும்புவோர் நகல் பெற்ற நாளில் இருந்து 7 தினங்களுக்குள் பாடம் ஒன்றுக்கு ரூ.550 செலுத்தி விண்ணப்பிக்கலாம் என, அழகப்பாபல்கலை பதிவாளர் செந்தில்ராஜன் மற்றும் தேர்வாணையர் ஜோதிபாசு தெரிவித்துள்ளனர்.