புல்மேடு பாதையில் பக்தர்கள் வருகை அதிகரிப்பு

சபரிமலை: சபரிமலையில் 12 நாட்களில் சத்திரம் - புல்மேடு வழியாக 15 ஆயிரத்துக்கும் மேற்பட்ட பக்தர்கள் வந்து உள்ளனர். சபரிமலை வருவதற்கு சாலக்காயம் - பம்பை, எருமேலி -- பம்பை, சத்திரம்,- புல்மேடு- -சன்னி தானம் என மூன்று பாதைகள் உள்ளன. இதில் புல்மேடு பாதை சபரிமலைக்கு வரும்போது செங்குத்தான இறக்கம் கொண்டது. நடப்பு மண்டல காலம் தொடங்கி 12 நாட்களில் 15 ஆயிரத்து 298 பக்தர்கள் புல் மேடு பாதை வழியாக சன்னி தானம் வந்துள்ளனர். அதிகபட்சமாக நேற்று முன்தினம் 2628 பக்தர்கள் வந்தனர். இந்தப் பாதையில் சத்திரத்திலிருந்து காலை 7:00 மணி முதல் மதியம் ஒரு மணி வரை பக்தர்கள் செல்ல அனு மதிக்கப்படுகின்றனர். எருமேலி மற்றும் நிலக்கல்லில் அதிகமான கூட்டம் காணப்படுவதால் முன்பதிவு செய்யாத பக்தர்கள் புல் மேடு பாதையை தேர்வு செய்கின்றனர். அங்கு ஸ்பாட் புக்கிங் சுலபமாக கிடைப் பதாக பக்தர்கள் கூறுகின்றனர். இதனால் வரும் நாட்களில் இந்தப் பாதையில் கூட்டம் அதிகமாகும் என்று எதிர் பார்க்கப்படுகிறது.