மக்காச்சோளம் குவிண்டால் ரூ.2850க்கு விற்பனை

தேனி: தேனி ஒழுங்குமுறை விற்பனை கூடத்தில் விவசாயிகள் விளை பொருட்களை வியாபாரிகளுக்கு நேரடி விற்பனை செய்கின்றனர்.நேற்று கொப்பரை, மக்காச்சோளம், உளுந்து ஏலம் விடப்பட்டது. ஏலத்தில் கொப்பரை தேங்காய் கிலோ 117 வீதம் 2 டன் விற்பனையானது. மக்காச்சோளம் குவிண்டால் ரூ.2850 என்ற விலையில் 2.5 டன், உளுந்து கிலோ ரூ.92 விலையில் 300 கிலோ விற்பனையானது. கண்காணிப்பாளர் திருமுருகன் கூறுகையில், ' விவசாயிகள் விளை பொருட்களுக்கு உரிய விலை கிடைக்கும் வரை ஒழுங்கு முறை விற்பனை கூட கிடங்கில் வைத்து விற்பனை செய்யலாம். இ-நாம் முறையில் பொருட்கள் விற்பனை செய்வது தொடர்பாக தேனி மாவட்ட விவசாயிகள் 99766 30746 என்ற அலைபேசியில் தெரிந்து கொள்ளலாம் என்றார்.