காவேரிராஜபுரம் ஊராட்சியில் சமுதாய கூடம் அமைக்க கோரிக்கை

திருவாலங்காடு:திருவாலங்காடு ஒன்றியம், காவேரிராஜபுரம் ஊராட்சிக்கு உட்பட்ட காலனி, கிராமம், அருந்ததியர் காலனி உள்ளிட்ட கிராமங்களில் 80,000 த்துக்கும் மேற்பட்ட மக்கள் வசித்து வருகின்றனர்.இப்பகுதியை சேர்ந்தவர்கள் தங்கள் குடும்ப விழாக்களை திருவாலங்காடு, கனகம்மாசத்திரம் பகுதியில் உள்ள தனியார் மண்டபங்களில் 20- - 30 ஆயிரம் ரூபாய் செலவழித்து நடத்தி வருகின்றனர். இதனால், பகுதிவாசிகளுக்கு செலவு அதிகரிப்பதோடு, நேரம் வீணாகிறது.எனவே மக்களின் செலவை குறைக்கவும், வீண் அலைச்சலை தவிர்க்கவும் ஒன்றிய நிர்வாகம் காவேரிராஜபுரம் ஊராட்சியில் சமுதாய கூடம் அமைக்க நடவடிக்கை எடுக்க வேண்டும் என, பகுதிவாசிகள் எதிர்பார்க்கின்றனர்.