வாகனம் மோதி விபத்து பிரியாணி மாஸ்டர் பலி

கும்மிடிப்பூண்டி: பைக்கில் சென்ற பிரியாணி மாஸ்டர் மீது, அடையாளம் தெரியாத வாகனம் மோதியதில், அவர் சம்பவ இடத்திலேயே உயிரிழந்தார். சென்னை திருநின்றவூரைச் சேர்ந்தவர் அகமது உசேன், 65; பிரியாணி மாஸ்டர். இவர், நேற்று முன்தினம் இரவு, கும்மிடிப்பூண்டி அடுத்த எளாவூரில் உள்ள உறவினர் வீட்டிற்கு செல்வதற்காக இருசக்கர வாகனத்தில், சென்னை - கொல்கட்டா தேசிய நெடுஞ்சாலை வழியாக சென்று கொண்டிருந்தார். கவரைப்பேட்டை அடுத்த பெருவாயல் அருகே சென்ற போது, அடையாளம் தெரியாத வாகனம் அகமது உசேன் பைக் மீது மோதியது. இதில், அகமது உசேன் பலத்த காயமடைந்து சம்பவ இடத்திலேயே உயிரிழந்தார். தகவலறிந்த போலீசார், சம்பவ இடத்திற்கு சென்று, அகமது உசேனின் உடலை கைப்பற்றி, பிரேத பரிசோதனைக்காக பொன்னேரி அரசு மருத்துவமனைக்கு அனுப்பினர். இதுகுறித்து, கவரைப்பேட்டை போலீசார் வழக்கு பதிந்து விசாரிக்கின்றனர்.