நெடுஞ்சாலையில் இளைப்பாறும் கால்நடைகள்

கடம்பத்துார்'கடம்பத்துார் ஒன்றியம் புதுமாவிலங்கை ஊராட்சிக்குட்பட்டது அகரம். இப்பகுதியில் உள்ள திருப்பாச்சூர் - கொண்டஞ்சேரி நெடுஞ்சாலையில் தினமும் 5,000க்கும் மேற்பட்ட வாகனங்கள் சென்று வருகின்றன.இப்பகுதியில் வீடுகளில் வளர்க்கப்படும் கால்நடைகள் நெடுஞ்சாலையில் இளைப்பாறுகின்றன. இதனால், இந்த நெடுஞ்சாலை ஒற்றை வழி சாலையாக மாறியுள்ளதால் இவ்வழியே செல்லும், வாகன ஓட்டிகள் கடும் அவதிப்பட்டு வருகின்றனர். மேலும் இரு சக்கர வாகன ஒட்டிகள் அடிக்கடி விபத்தில் சிக்கி வருகின்றனர். மாவட்ட கலெக்டர் உத்தரவிட்டும் அதிகாரிகள் நடவடிக்கை மேற்கொள்ளாதது வாகன ஓட்டிகளிடையே கடும் அதிருப்தியை ஏற்படுத்தியுள்ளது.எனவே, சம்பந்தப்பட்ட துறையினர், நடவடிக்கை எடுக்க வேண்டுமென வாகன ஓட்டிகள் கோரிக்கை விடுத்துள்ளனர்.