முருகப்பா தங்க கோப்பை ஹாக்கி தமிழக யூனிட் அணி அசத்தல்

சென்னை: முருகப்பா தங்க கோப்பைக்கானஹாக்கி போட்டியில், நேற்றைய ஆட்டத்தில், 4 - 1 என்ற 'கோல்' கணக்கில், தமிழக யூனிட் அணி வெற்றி பெற்றது.எம்.சி.சி., - முருகப்பா தங்க கோப்பைக்கான ஹாக்கி போட்டியின், 95-வது தொடர், சென்னை எழும்பூர் மேயர் ராதாகிருஷ்ணன் மைதானத்தில்நடக்கிறது.இத்தொடரில், நடப்பு சாம்பியனான இந்தியன் ரயில்வே, இந்திய ராணுவம், பாரத் பெட்ரோலியம், ஹாக்கி யூனிட் ஆப் தமிழ்நாடு, மஹாராஷ்டிரா உள்ளிட்ட அணிகள் பங்கேற்றுள்ளன. போட்டிகள் 'லீக்' மற்றும் 'நாக் - அவுட்' அடிப்படையில்நடைபெறுகின்றன.நேற்று முன்தினம் மாலை நடந்த ஆட்டத்தில், நேஷனல் சென்டர் ஆப் எக்ஸலன்ஸ்போபால் அணி, 3 - 2 என்ற கோல் கணக்கில், மத்திய தலைமை செயலக அணியை தோற்கடித்தது. நேற்று மதியம் நடந்த முதல் போட்டியில், தமிழக ஹாக்கி யூனிட் மற்றும் மஹாராஷ்டிரா அணிகள் மோதின. அதில், 4 - 1 என்ற கோல் கணக்கில்,தமிழக ஹாக்கி யூனிட் அணி வெற்றிபெற்றது. தமிழக வீரர்கள் சோமன்னா, சண்முகவேல், அபிஷேக், பாலச்சந்தர் ஆகியோர் தலா ஒரு கோல் அடித்தனர்.மஹாராஷ்டிரா வீரர் மயூர் தனவ்தே ஒரு கோல் அடித்தார்.போட்டிகள் தொடர்ந்து நடைபெற்று வருகின்றன.