மாடு குறுக்கே வந்ததால் விபத்து ஆட்டோ கவிழ்ந்து சிறுவன் பலி

துாத்துக்குடி:திருச்செந்துார் அருகே குமாரபுரம் ஆசிரியர் காலனியைச் சேர்ந்த மணிகண்டன் மகன் வனசிவகுமார், 14; தனியார் பள்ளியில் ஒன்பதாம் வகுப்பு படித்து வந்தார். அப்பகுதியைச் சேர்ந்த நவீன்ராஜ், 24, என்பவருக்கு சொந்தமான ஆட்டோவில், திசையன்விளை சென்று விட்டு, நேற்று முன்தினம் இரவு வீடு திரும்பிக் கொண்டிருந்தார்.உடன்குடி,- தைக்காவூர் சாலையில் சென்று கொண்டிருந்த போது, திடீரென மாடு ஒன்று குறுக்கே வந்ததால் நவீன்ராஜ், 'பிரேக்' பிடித்தார். ஆட்டோ கவிழ்ந்து விபத்துக்குள்ளானதில், வனசிவகுமார் சம்பவ இடத்திலேயே உயிரிழந்தார்.காயமடைந்த நவீன்ராஜ், உடன்குடி அரசு மருத்துவமனையில் சிகிச்சை பெற்று வருகிறார். மெஞ்ஞானபுரம் போலீசார் விசாரிக்கின்றனர்.