இன்று சந்திர கிரஹணம் அவிநாசி கோவில் நடையடைப்பு

அவிநாசி : இன்று சந்திர கிரஹணத்தை முன்னிட்டு, அவிநாசி லிங்கேஸ்வரர் கோவிலில், மதியம், 2:00 மணிக்கு நடை அடைக்கப்படுகிறது. மீண்டும் நாளை காலை, 7:00 மணிக்கு நடை திறக்கப்பட்டு பூஜைகள் நடைபெறும். பவுர்ணமி நாளான இன்று சந்திர கிரகணம் நடைபெறுகிறது. இதனால், கொங்கேழு சிவ ஸ்தலங்களில் முதன்மையாக விளங்கும் அவிநாசி லிங்கேஸ்வரர் கோவிலில், இன்று பகல், 11:00 மணிக்கு உச்சிகால பூஜை, பகல் 12:15 மணிக்கு சாயரட்சை பூஜை, பகல், 1:30 மணிக்கு அர்த்தஜாம பூஜை மற்றும் பள்ளியறை பூஜை நடைபெறுகிறது. அதனைத் தொடர்ந்து மதியம், 2:00 மணிக்கு கோவில் நடை அடைக்கப்படுகிறது. நாளை காலை (8ம் தேதி) 7:00 மணிக்கு நடை திறக்கப்பட்டு பூஜைகள் நடைபெறும் என கோவில் செயல் அலுவலர் சபரீஷ் குமார் தெரிவித்தார்.