கே.எம்.சி.எச். சார்பில் இலவச மருத்துவ முகாம்

தாராபுரம்: கோவை கே.எம்.சி.எச்., மருத்துவமனை நிர்வாக அறிக்கை: கே.எம்.சி.எச். மருத்துவமனை சார்பில், தாராபுரம் பெரிய கடைவீதி, கே.வி.பி., வங்கி அருகில் அமைந்துள்ள வாசவி மஹாலில், நாளை, (9ம் தேதி), காலை, 9:00 மணி முதல், மதியம், 1:00 மணி வரை இலவச புற்றுநோய் கண்டறியும் முகாம் நடத்தப்பட உள்ளது. ரத்த சர்க்கரை அளவு, கர்ப்பப்பை வாய் பரிசோதனை, மார்பக பரிசோதனை, இலவசமாக மேற்கொள்ளப்படும். முகாமில், மார்பகத்தில் கட்டி, வலி, நாள்பட்ட மாதவிடாய் தொந்தரவு, அதிக ரத்தப்போக்கு, வெள்ளைப்படுதல், மலச்சிக்கல், வயிற்றுப்போக்கு, மலத்தில் ரத்தம், பசியின்மை, உணவு விழுங்குவதில் சிரமம் அல்லது வலி, கல்லீரல், கணைய புற்றுநோய், அடி வயிற்றில் கட்டி, குரலில் திடீர் மாற்றம், திடீர் எடை குறைவு, ஆறாத வாய்ப்புண், கழுத்தில் வீக்கம், கட்டி போன்ற பிரச்னை உள்ளவர்கள் முகாமில் பங்கேற்கலாம். மருத்துவர்களால் பரிந்துரைக்கப்படும் பரிசோதனை மற்றும் சிகிச்சைகள், கே.எம்.சி.எச். மருத்துவமனையில், சலுகை கட்டணத்தில் வழங்கப்படும். இம்முகாமுக்கு வரும் போது, பழைய மருத்துவ பதிவுகள், எக்ஸ்-ரே, ஸ்கேன் மற்றும் மருந்துச் சீட்டுகளை எடுத்து வர வேண்டும். விவரங்களுக்கு, 73393 33485 என்ற எண்ணில் தொடர்பு கொள்ளலாம். இவ்வாறு அதில் கூறியுள்ளனர்.