குமரலிங்கம் பஸ் ஸ்டாப்பில் அதிகரிக்கும் நெரிசல்

உடுமலை; குமரலிங்கத்தில் குறுகிய ரோட்டில் அமைந்துள்ள பஸ் ஸ்டாப் காரணமாக, போக்குவரத்து நெரிசல் மற்றும் விபத்துக்கள் ஏற்பட்டு வருகிறது. நிரந்தர பஸ் ஸ்டாண்ட் அமைக்க வேண்டும்.உடுமலை அருகே, குமரலிங்கம் பேரூராட்சியில், 20 ஆயிரத்திற்கும் மேற்பட்ட மக்கள் வசித்து வருகின்றனர். திருப்பூர், திண்டுக்கல் மாவட்ட எல்லையில் அமைந்துள்ளதோடு, சுற்றுப்புறத்திலுள்ள, 30க்கும் மேற்பட்ட கிராம மக்கள் வந்து செல்லும் பகுதியாகவும் உள்ளது.உடுமலை, பழநி பகுதிகளிலிருந்து ஏராளமான அரசு மற்றும் தனியார் பஸ்கள் இயக்கப்படும் நிலையில், உடுமலை - கொழுமம் - பழநி பிரதான வழித்தடத்தில், பஸ் ஸ்டாப் மட்டுமே உள்ளது.கொழுமம், மடத்துக்குளம், எலையமுத்துார் ரோடு சந்திப்பு பகுதியாகவும் உள்ளதோடு, பஸ்கள் வந்து நின்று, பயணியரை ஏற்றி, இறக்கி விட்டுச்செல்வதால், பஸ் ஸ்டாப் பகுதியில் போக்குவரத்து நெரிசல் ஏற்படுவதோடு, அடிக்கடி விபத்துக்களும் நடக்கிறது.மேலும், பயணியருக்குத்தேவையான, நிழற்கூரை, இருக்கை, கழிப்பறை, குடிநீர் என எந்த விதமான அடிப்படை வசதிகளும் இல்லாததால், பொதுமக்கள் கடுமையாக பாதித்து வருகின்றனர்.எனவே, போக்குவரத்து நெரிசல் மற்றும் விபத்துக்களை தடுக்கும் வகையிலும், பயணியர் வசதியை கருத்தில் கொண்டும், குமரலிங்கத்தில் தனியாக பஸ் ஸ்டாண்ட் அமைக்க வேண்டும்.