தேங்காய் கடையில் தகராறு: 3 பேர் கைது

விழுப்புரம்: விழுப்புரத்தில் தேங்காய் கடையில் தகராறு செய்த 3 பேரை போலீசார் கைது செய்தனர்.விழுப்புரம் காமராஜர் தெருவைச் சேர்ந்தவர் சத்தியநாராயணன், 41; இவர், அதே பகுதியில், தேங்காய் கடை வைத்துள்ளார். இவரது கடையில் சித்தேரியைச் சேர்ந்த விஜய், 30; என்பவர் பணிபுரிந்து வந்தார்.கடந்த 14ம் தேதி, தேங்காய் அதிகமாக காணாமல் போகிறது. சரியாக கணக்கும் காட்டுவதில்லை என்பதால் விஜய்யை வேலைக்கு வர வேண்டாமென கூறி, அவரை வேலையை விட்டு சத்தியநாராயணன் நிறுத்தியுள்ளார்.இந்நிலையில், விஜய் உறவினர்களான, சித்தேரிகரையைச் சேர்ந்த அருண்குமார், 28; சூர்யா, 25; ஆறுமுகம், 43; ஆகியோர், 16ம் தேதி தேங்காய் கடைக்குச் சென்று, சத்தியநாராயணனுக்கு கொலை மிரட்டல் விடுத்துள்ளனர்.இதுகுறித்து சத்தியநாராயணன் கொடுத்த புகாரின் பேரில், அருண்குமார், சூர்யா, ஆறுமுகம் ஆகியோர் மீது விழுப்புரம் மேற்கு போலீசார் வழக்கு பதிந்து, நேற்று அவர்களை கைது செய்தனர்.