வணிகவரி அலுவலகத்தில் ஆலோசனை கூட்டம்
விழுப்புரம் : விழுப்புரம் வணிகவரித்துறை அலுவலகத்தில், வணிகர் நலவாரியத்தில் உறுப்பினர்கள் சேர்க்கை சம்பந்தமான ஆலோசனை கூட்டம் நடந்தது.வணிகவரித்துறை துணை ஆணையர் ஜெயந்தி தலைமை தாங்கினார். மாநில வரி அலுவலர் கணேஷ், உதவி ஆணையர் விஜயா ஆகியோர் வணிகர்களுக்கு, நலவாரியத்தில் உறுப்பினர்களாக சேருபவர்களுக்கும், அவரது குடும்பத்தினருக்கும் உள்ள பயன்கள் குறித்து விளக்கம் அளிக்கப்பட்டது. வணிகர்கள் பலர் கலந்து கொண்டனர். உறுப்பினர் சேர்க்கைக்கான விண்ணப்ப படிவங்கள் வணிகர்களிடம் வழங்கப்பட்டது.