விழுப்புரத்தில் 15ம் தேதி வேலைவாய்ப்பு முகாம்

விழுப்புரம்: விழுப்புரத்தில், வரும் 15ம் தேதி வேலை வாய்ப்பு முகாம் நடைபெற உள்ளது. விழுப்புரம் மாவட்ட வேலை வாய்ப்பு அலுவலக உதவி இயக்குனர் அலுவலக செய்திக் குறிப்பு: விழுப்புரம் மாவட்ட வேலை வாய்ப்பு அலுவலகத்தில், 15ம் தேதி காலை 10:00 மணி முதல் பிற்பகல் 2:00 மணி வரை முகாம் நடைபெற உள்ளது. இதில், 18 முதல் 35 வயது வரையிலான வேலை நாடுனர்கள் பங்கேற்கலாம். மேலும், 8ம் வகுப்பு தேர்ச்சி முதல் பட்டப்படிப்பு வரை பயின்றவர்கள், பொறியியல், ஐ.டி.ஐ., டிப்ளமோ, நர்சிங், பார்மசி முடித்தவர்களும் பங்கேற்கலாம்.முகாமில், 25க்கும் மேற்பட்ட தனியார்துறை நிறுவனங்கள் பங்கேற்று ஆயிரத்திற்கும் மேற்பட்ட நபர்களை தேர்வு செய்ய உள்ளனர். இவ்வாறு செய்திக்குறிப்பில் கூறப்பட்டுள்ளது.