தரம் உயர்த்தப்பட்ட பள்ளிகள் வகுப்பு: எம்.எல்.ஏ., துவக்கி வைப்பு

விக்கிரவாண்டி:விக்கிரவாண்டி தொகுதியில் மேல்நிலைப் பள்ளியாக தரம் உயர்த்தப்பட்ட மேல்காரணை, கஞ்சனுார் பள்ளி வகுப்புகளை எம்.எல்.ஏ., துவக்கி வைத்தார். விக்கிரவாண்டி தொகுதியில் மேல்காரணை, கஞ்சனுார் உயர்நிலைப் பள்ளிகள், மேல்நிலைப் பள்ளிகளாக அரசு தரம் உயர்த்தியது. இதையடுத்து 2 பள்ளிகளில் நடந்த வகுப்புகள் துவக்க விழாவிற்கு எம்.எல்.ஏ., அன்னியூர் சிவா தலைமை தாங்கி குத்துவிளக்கேற்றி துவக்கி வைத்து மாணவர்களுக்கு பொதுதேர்வுக்கான கையேடுகளை வழங்கி பேசினார். சி.இ.ஓ., அறிவழகன், டி.இ.ஓ., சேகர் , பெற்றோர் ஆசிரியர் கழகத் தலைவர் ராஜா, ஆத்மா குழு தலைவர் வேம்பி ரவி, திட்டக்குழு தலைவர் முருகன், வேளாண்மை குழு தலைவர் முருகன், ஒருங்கிணைப்பாளர் சுந்தர், தலைமை ஆசிரியர்கள் எட்வின் ஜோசப், முருகன் மற்றும் ஆசிரியர்கள், மாணவர்கள், பெற்றோர்கள் பங்கேற்றனர்.