திண்டிவனத்தில் தே.மு.தி.க., நலத்திட்ட உதவி வழங்கும் விழா

திண்டிவனம் : திண்டிவனத்தில் விஜயகாந்த் பிறந்த நாளையொட்டி தே.மு.தி.க., சார்பில் நலத்திட்ட உதவிகள் வழங்கப்பட்டது. திண்டிவனம் தாலுகா அலுவலகம் முன் நடந்த விழாவிற்கு நகர செயலாளர் வெங்கடேசன் தலைமை தாங்கினார். மாவட்ட செயலாளர் வெங்கடேசன் எம்.எல்.ஏ., சிறப்புரை நிகழ்த்தினார். பின்னர், ஏழை பெண்ணுக்கு கிரைண்டர், விடுதி மாணவர்கள் 37 பேருக்கு தட்டு, டம்ளர்கள், பெண்கள் விடுதிக்கு 15 ஆயிரம் ரூபாய் மதிப்புள்ள நீர் மின் மோட்டாரும், தலா ஆயிரம் ரூபாய் வீதம் 9 விதவை பெண்களுக்கும், 30 பெண்களுக்கு புடவைகளும் நல திட்ட உதவிகள் வழங்கினார். நிகழ்ச்சியில் மாவட்ட துணை செயலாளர் காதர்பாஷா, டாக்டர் சந்திரசேகர், முகமதுஅலி உட்பட பலர் கலந்து கொண்டனர்.