உள்ளூர் செய்திகள்

/ உள்ளூர் செய்திகள் / விருதுநகர் /  ஸ்ரீவி.,ஆண்டாள் கோயிலில் குவியும் ஐயப்ப பக்தர்கள்

 ஸ்ரீவி.,ஆண்டாள் கோயிலில் குவியும் ஐயப்ப பக்தர்கள்

ஸ்ரீவில்லிபுத்துார்: சபரிமலை சென்று திரும்பும் ஐயப்ப பக்தர்கள் ஸ்ரீவில்லிபுத்தூர் ஆண்டாள் கோயிலில் சுவாமி தரிசனம் செய்ய வருவது அதிகரித்து வரும் நிலையில் ரத வீதிகளில் போக்குவரத்து நெருக்கடி ஏற்பட்டு வருகிறது. கார்த்திகை மாதம் பிறந்துள்ள நிலையில் தமிழகம், ஆந்திரா, கர்நாடகா உட்பட பல்வேறு பகுதிகளை சேர்ந்த ஏராளமான ஐயப்ப பக்தர்கள் சபரிமலை சென்று வருகின்றனர். இதில் ஊர் திரும்பும் போது ஸ்ரீவில்லிபுத்தூர் ஆண்டாள் கோயிலில் சுவாமி தரிசனம் செய்ய பஸ், கார், வேன்களில் ஐயப்ப பக்தர்கள் குவிந்து வருகின்றனர். இதனால் நகரில் கீழ ரத வீதி, தெற்கு ரத வீதி, கோயில் மாடவீதிகளில் உள்ள வீடுகளின் வாசல்களை மறைத்து வாகனங்களை நிறுத்துவதால் அப்பகுதி குடியிருப்பாளர்கள் தங்கள் வீடுகளுக்கு சென்று வர சிரமத்தை சந்திக்கின்றனர். மேலும் கீழரத வீதியில் வாகன போக்குவரத்து நெருக்கடி ஏற்பட்டு வருகிறது. காலை, மாலை வேலை நேரங்களில் பள்ளி மாணவர்கள், முதியவர்கள் ரோட்டை கடந்து செல்வதில் சிரமத்திற்கு ஆளாகி வருகின்றனர். எனவே, ரத வீதிகளில் தாறுமாறாக நிறுத்தப்படும் வாகனங்களை ஒழுங்குபடுத்தவும் போக்குவரத்து நெருக்கடி இல்லாத சூழலை ஏற்படுத்தவும் போலீசார் நடவடிக்கை எடுக்க வேண்டுமென பக்தர்கள் எதிர்பார்க்கின்றனர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்







முக்கிய வீடியோ