மரக்காணம் : வானுார் அருகே பள்ளி மாணவியை கர்ப்பமாக்கிய வாலிபரை, போக்சோ சட்டத்தில் போலீசார் கைது செய்தனர்.விழுப்புரம் மாவட்டம், வானுார் அடுத்த திருச்சிற்றம்பலம் கூட்ரோடு அருகே உள்ள கிராமத்தை சேர்ந்த 15 வயது மாணவி. அரசு மேல்நிலைப்பள்ளியில் பிளஸ் 1 படித்து வருகிறார். கடந்த வாரம் மாணவிக்கு திடீரென உடல் நிலைசரியில்லாமல் போனதால், பெற்றோர்கள் முண்டியம்பாக்கம் அரசு மருத்துவமனையில் சிகிச்சைக்காக சேர்த்தனர். அங்கு பரிசோதனை செய்ததில், மாணவி 4 மாத கர்ப்பமாக இருப்பது தெரியவந்தது. இதுகுறித்து மாவட்ட குழந்தைகள் பாதுகாப்பு குழுவினர் புகார் அளித்தனர்.இதை தொடர்ந்து கோட்டக்குப்பம் மகளிர் இன்ஸ்பெக்டர் முத்துலட்சுமி, விசாரணை நடத்தியதில் புதுச்சேரி மாநிலம் சுத்துக்கேணியை சேர்ந்த பூபாலன் மகன் சாரதி,24; என்பவர் மாணவியிடம் காதலிப்பதாக ஆசை வார்த்தை கூறி நெருங்கி பழகியதால் மாணவி கர்ப்பமானது தெரியவந்தது. அதையடுத்து, வாலிபர் சாரதி மீது போக்சோ சட்டத்தின் கீழ் வழக்கு பதிந்து, போலீசார் கைது செய்தனர்.
மாணவிக்கு ஒன்னுமில்லயா
இதெல்லாம் சினிமா டிவி படுத்தும் பாடு
முன்னேறிய மாநிலம் தமிழ்நாட்டுலயா இதெல்லாம் நடக்குது ????