உள்ளூர் செய்திகள்

/ செய்திகள் / தமிழகம் / அநீதிகளுக்கு எதிராக தொடர்ந்து பார்லியில் குரல் எழுப்பும் திமுக; முதல்வர் ஸ்டாலின்

அநீதிகளுக்கு எதிராக தொடர்ந்து பார்லியில் குரல் எழுப்பும் திமுக; முதல்வர் ஸ்டாலின்

வாசிக்க நேரம் இல்லையா? செய்தியைக் கேளுங்கள்

Your browser doesn’t support HTML5 audio

சென்னை: அநீதிகளுக்கு எதிராக பார்லிமென்டில் திமுக தொடர்ந்து தீவிரமாகக் குரலெழுப்பி வருகிறது என முதல்வர் ஸ்டாலின் தெரிவித்துள்ளார்.அவரது அறிக்கை: இண்டி கூட்டணி சார்பில் துணை ஜனாதிபதி தேர்தல் வேட்பாளராக அறிவிக்கப் பட்டுள்ள சுதர்சன் ரெட்டிக்கு எனது உளப்பூர்வமான வாழ்த்துகள். நேர்மையாகவும் சுதந்திரமாகவும் செயல்பட்டு, குடிமக்களின் உரிமைகள் மற்றும் சமூகநீதியை உயர்த்திப் பிடித்த நீதியரசராக விளங்கிய அவர், தமது பணிக்காலம் முழுவதும் அரசியலமைப்புச் சட்டத்தின் விழுமியங்களைப் போற்றிப் பாதுகாத்தவர் ஆவார். நமது நாட்டின் அமைப்புகளெல்லாம் நெருக்கடிக்கு உள்ளாகியிருக்கும் சூழலில், சுதர்சன் ரெட்டியை வேட்பாளராக்கியதன் மூலம், மக்களாட்சியையும் அரசியலமைப்பின் விழுமியத்தையும் பாதுகாப்பதில் நமது ஒருமித்த உறுதிப்பாடு வலுப்படுகிறது.

மக்களாட்சி

சுதந்திரமாகச் செயல்பட்டு, இந்திய மக்களாட்சியைப் பாதுகாக்க வேண்டிய தன்னாட்சி அமைப்புகள் அத்தனையும் பாஜவின் துணை அமைப்புகளாக மாற்றப்பட்டு, அரசியலமைப்புச் சட்டமே ஆபத்தில் சிக்குண்டுள்ளது. இத்தகைய சூழலில், இந்தியாவின் அடிப்படைக் கொள்கைகளான மதச்சார்பின்மை, கூட்டாட்சியியல், சமூகநீதி மற்றும் வேற்றுமையில் ஒற்றுமையில் ஆகியவற்றில் நம்பிக்கை கொண்ட ஒருவரை ஆதரிப்பதுதான் நம்முன் உள்ள கடமை.

அநீதி

நீட் விலக்கு, கீழடியின் தொன்மையை ஏற்றுக்கொண்டு அங்கீகரிப்பது, நியாயமான நிதிப் பகிர்வு, கல்வி நிதி விடுவிப்பு உள்ளிட்ட தமிழகத்தின் நியாயமான பல கோரிக்கைகளுக்குச் செவிசாய்க்காமல், மத்திய பாஜ அரசு தமிழகத்திற்கு அநீதி இழைத்து வருகிறது. கவர்னர்கள் மூலமாக இணை அரசாங்கம் நடத்தி, மாநில அரசுகளின் செயல்பாட்டை முடக்கி, உயர்கல்வி நிறுவனங்களை வலுவிழக்கச் செய்யும் செயல்களிலும் ஈடுபட்டு வருகிறது.மாநில உரிமைகள் பறிப்பு, அதிகாரக்குவிப்பு, வெறுப்பு பிரசாரம் தீவிரமாக முன்னெடுப்பு, இடைவிடாத ஹிந்தி அல்லது சமஸ்கிருதத் திணிப்பு என அரசியலமைப்பைக் குழிதோண்டிப் புதைக்கும் அநீதிகளுக்கு எதிராக பார்லிமென்டில் திமுக தொடர்ந்து தீவிரமாகக் குரலெழுப்பி வருகிறது.மாநில உரிமைகளையும் அரசியலமைப்புச் சட்டத்தையும் காக்க, மதநல்லிணக்க உணர்வு கொண்ட தமிழக மக்கள் அடுத்தடுத்த தேர்தல்களில் தொடர்ந்து திமுக கூட்டணி எம்பி, எம்எல்ஏ.,க்களுக்கே ஓட்டளித்துள்ளனர். எனவே, சுதர்சன் ரெட்டியை ஆதரிப்பது தான் அவர்களது முடிவுக்கும் உணர்வுக்கும் மதிப்பளிப்பதாக அமையும்.

சமூக நீதி

அரசியலமைப்பு, பன்மைத்துவம், சமூகநீதி, மொழியுரிமைகள் ஆகியவற்றில் நம்பிக்கை கொண்ட ஜனநாயகவாதியாக, பார்லிமென்ட் ராஜ்ய சபாவில் ஆக்கப்பூர்வமான விவாதங்களுக்கு இடமளித்து அவையில் எதிர்க்கட்சிகளின் குரல்களுக்கு வாய்ப்பளிக்க கூடியவராக, சுதர்சன் ரெட்டி திகழ்கிறார்.கூட்டாட்சியலுக்கு எதிரான போக்கு, எதேச்சாதிகாரம் மற்றும் வெறுப்புணர்வைப் பரப்புவது ஆகியவற்றை எதிர்த்து நிற்கக் கூடியவராக சுதர்சன் ரெட்டி மிகச் சரியான தேர்வுகூட்டாட்சியலுக்கு எதிரான போக்கு, எதேச்சாதிகாரம் மற்றும் வெறுப்புணர்வைப் பரப்புவது ஆகியவற்றை எதிர்த்து நிற்கக் கூடியவராக சுதர்சன் ரெட்டி மிகச் சரியான தேர்வு. இவ்வாறு முதல்வர் ஸ்டாலின் கூறியுள்ளார்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 27 )

எவர்கிங்
ஆக 20, 2025 10:39

3000 உயிர்களை பலி கொண்ட போபால் union carbide ஆண்டர் சன் மீதான வழக்கை மறு விசாரணை செய்ய மறுத்த உத்தமனுக்கு காங்கிரஸ் காட்டும் நன்றி


Ambedkumar
ஆக 20, 2025 10:21

சென்னை நாளுக்கு நாள் வாழத்தகுதியற்ற நகரமாக மாறி வருகிறது. வெள்ள நீர் வடிகால், சாக்கடை சீரமைப்பு, மெட்ரோ ப்ராஜெக்ட் என்று எங்கு பார்த்தாலும் சாலைகளை கபளீகரம் செய்துள்ளனர். சீரமைப்பு நடவடிக்கைகளின் தரம் மிகவும் மோசம். குறிப்பிட்ட காலத்தில் முடிவதில்லை. கொட்டிவாக்கம் போன்ற இடங்களில் பல மாதங்களாக மிகவும் மெதுவாக நடந்து கொண்டிருக்கிறது. எல்லா சாலைகளையும் ஒரே நேரத்தில் தோண்டி பல மாத காலம் தாமதம் செய்வதால், இங்கு வசிக்கும் மக்கள் சொல்லொணா துயர் கொண்டுள்ளனர். டெல்லியை பிறகு பார்க்கலாம். சென்னைக்கு ஒரு விடிவுகாலம் வேண்டும்.


S.V.Srinivasan
ஆக 20, 2025 08:20

அதே அதே.


S.V.Srinivasan
ஆக 20, 2025 08:18

அநீதிக்கு எதிராக குரல் கொடுக்கிறார்கள் என்று நீங்களாகவே சொல்லி கொள்ள கூடாது. மக்கள் சொல்ல வேண்டும். தமிழகத்தில் அன்றாடம் நடக்கும் கொலை, கொள்ளை, பாலின தொல்லை போன்ற அநீதிகளுக்கு வாயை திறக்கவே மாட்டேன் என்று அடம் பிடிக்கிறீர்கள். அது என்ன நியாயம்.


JAYACHANDRAN RAMAKRISHNAN
ஆக 20, 2025 08:08

சமீபத்திய நீதி மன்ற தீர்ப்புகள் ஏன் மத்திய அரசுக்கு எதிராக வருகிறது என்று இப்போது அனைவருக்கும் புரிந்திருக்கும்.


V RAMASWAMY
ஆக 20, 2025 07:29

மஞ்சள் காமாலைக்காரனுக்கு எல்லாம் மஞ்சளாகவே தெரியும் என்பார்கள். சுரண்டல்கள் பற்றி கேள்விகள் கேட்டால், அது அநீதி. மத்திய அரசு கொடுத்த பணத்திற்கு கணக்கு கேட்டால் அது அநீதி. மத்திய அரசு திட்டங்களை ஸ்டாம்ப் ஒட்டி அவற்றை மாநில அரசு திட்டங்களாக மாற்றியதை கேள்வி கேட்டல் அது அநீதி. இந்த அநீதிகளைக் கேட்டு நிறுத்தத்தான் மக்கள் 2026க்காக காத்திருக்கிறார்கள்.


சூரியா
ஆக 20, 2025 06:01

போபால் விஷவாயு கசிவு வழக்கில் காங்கிரஸ் உதவியுடன் நம் நாட்டை விட்டுத் தப்பிச்சென்ற கார்பைடு CEO, ஆன்டர்சனிற்கு ஆதரவாகத் தீர்ப்பு அளித்தவர் இவர்.


Kasimani Baskaran
ஆக 20, 2025 04:06

அப்படியென்றால் அரசி நூற்றாண்டாக அநீதியை அழிக்க முடியவில்லை போலும்.


Srinivasan Narasimhan
ஆக 20, 2025 03:40

அப்பா தமிழ் வாழ்க


Mani . V
ஆக 20, 2025 03:13

சரி அது ஒருபுறம் இருக்கட்டும். யார் அந்த சார்? ஆமா, அநீதிகளுக்கு எதிராக அப்படின்னா இந்த ஊழல்பேர்வழிகள் வீட்டில் ரெய்டு நடத்துவதற்கு எதிராகத்தானே?


அதிகம் விமர்ச்சிக்கப்பட்டவை