தங்கம் விலை சவரனுக்கு ஒரே நாளில் ரூ.800 சரிவு

சென்னை: சர்வதேச நிலவரங்களால், நம் நாட்டில் ஆபரண தங்கம் விலை உயர்ந்து வந்தது. தமிழகத்தில் கடந்த 11ம் தேதி எப்போதும் இல்லாத வகையில், 22 காரட் ஆபரண தங்கம் கிராம், 8,060 ரூபாயாகவும்; சவரன், 64,480 ரூபாயாகவும் அதிகரித்தது. அடுத்த சில தினங்களில் தங்கம் விலை சற்று குறைந்தது. நேற்று முன்தினம் தங்கம் கிராம், 7,990 ரூபாய்க்கும்; சவரன், 63,920 ரூபாய்க்கும் விற்பனையானது. வெள்ளி கிராம், 108 ரூபாய்க்கு விற்கப்பட்டது. நேற்று தங்கம் விலை கிராமுக்கு 100 ரூபாய் குறைந்து, 7,890 ரூபாய்க்கு விற்பனையானது. சவரனுக்கு 800 ரூபாய் சரிவடைந்து, 63,120 ரூபாய்க்கு விற்கப்பட்டது. வெள்ளி விலையில் மாற்றமில்லை.