தங்கம் சவரன் விலை சடுகுடு காலை ரூ.1,320 குறைவு மாலை ரூ.640 அதிகரிப்பு

சென்னை:தமிழகத்தில் நேற்று காலை ஆபரண தங்கம் விலை சவரனுக்கு 1,320 ரூபாய் குறைந்த நிலையில், மாலையில் 640 ரூபாய் அதிகரித்தது. நம் நாட்டில் தங்கம் விலை தினமும் புதிய உச்சத்தை எட்டியது. தமிழகத்தில் நேற்று முன்தினம், 22 காரட் ஆபரண தங்கம் கிராம் 11,425 ரூபாய்க்கும், சவரன் 91,400 ரூபாய்க்கும் விற்கப்பட்டது. வெள்ளி கிராம் 177 ரூபாய்க்கு விற்பனையானது. நேற்று காலை தங்கம் விலை கிராமுக்கு 165 ரூபாய் குறைந்து, 11,260 ரூபாய்க்கு விற்கப்பட்டது. சவரனுக்கு 1,320 ரூபாய் சரிவடைந்து, 90,080 ரூபாய்க்கு விற்பனையானது. வெள்ளி கிராமுக்கு 3 ரூபாய் உயர்ந்து, 180 ரூபாய்க்கு விற்கப்பட்டது. நேற்று மாலை தங்கம் விலை கிராமுக்கு 80 ரூபாய் உயர்ந்து, 11,340 ரூபாய்க்கும், சவரனுக்கு 640 ரூபாய் அதிகரித்து, 90,720 ரூபாய்க்கும் விற்கப்பட்டது. வெள்ளி கிராமுக்கு 4 ரூபாய் உயர்ந்து, 184 ரூபாய்க்கு விற்பனையானது.