மேலும் செய்திகள்
தமிழகம், புதுச்சேரியில் இன்று மிதமான மழை
06-Dec-2025
இன்று மிதமான மழை வானிலை மையம் தகவல்
சென்னை: 'தமிழகத்தில், வட மற்றும் தென் மாவட்டங்களில், சில இடங்களில் இன்று இடி, மின்னலுடன், மிதமான மழை பெய்ய வாய்ப்புள்ளது' என, வானிலை ஆய்வு மையம் தெரிவித்து உள்ளது.
அதன் அறிக்கை:
கிழக்கு திசை காற்றின் வேக மாறுபாடு காரணமாக, தமிழகத்தில் சென்னை உட்பட பல்வேறு பகுதிகளில், நேற்று காலை முதல் மழை பெய்து வருகிறது. தமிழகத்தில் வட, தென் மாவட்டங்களில் சில இடங்கள் மற்றும் புதுச்சேரியில், இன்று இடி, மின்னலுடன் மிதமான மழை பெய்ய வாய்ப்புள்ளது. தென் மாவட்டங்களில் சில இடங்களில், நாளை மிதமான மழை பெய்ய வாய்ப்புள்ளது. தமிழகம் மற்றும் புதுச்சேரியில், நாளை முதல், 20ம் தேதி வரை சில இடங்களில், குறைந்தபட்ச வெப்பநிலை இயல்பைவிட 3 டிகிரி செல்ஷியஸ் வரை குறைவாக பதிவாக வாய்ப்புள்ளது. சென்னை மற்றும் புறநகர் பகுதிகளில், இன்று வானம் ஓரளவு மேக மூட்டமாக காணப்படும். சில இடங்களில், லேசான அல்லது மிதமான மழை பெய்ய வாய்ப்புள்ளது. இவ்வாறு அதில் கூறப்பட்டுள்ளது.