உள்ளூர் செய்திகள்

/ செய்திகள் / தமிழகம் / கோவையில் கொள்ளை சம்பவம்; சுட்டுப்பிடித்த 3 பேரில் ஒருவர் உயிரிழப்பு

கோவையில் கொள்ளை சம்பவம்; சுட்டுப்பிடித்த 3 பேரில் ஒருவர் உயிரிழப்பு

கோவை: கோவையில் கொள்ளை சம்பவம் தொடர்பாக போலீசார் சுட்டுப்பிடித்த 3 பேரில் ஒருவர் சிகிச்சை பலனின்றி உயிரிழந்தார்.கோவை, கவுண்டம்பாளையம் வீட்டு வசதி வாரிய குடியிருப்பில் உள்ள, 13 வீடுகளில் கொள்ளை நடந்தது. கவுண்டம்பாளையம் போலீசார் வழக்கு பதிந்து விசாரித்தனர். இதில், 56 சவரன் நகைகள், 3 லட்சம் ரூபாய் ரொக்கம், 3 கிலோ வெள்ளி பொருட்கள் திருடப்பட்டதாக புகார் தெரிவிக்கப்பட்டது. இது தொடர்பாக, தனிப்படை போலீசார், அப்பகுதி கண்காணிப்பு கேமரா காட்சி களை ஆய்வு செய்ததில், இருவர் பையுடன் செல்வது தெரிந்தது.விசாரணையில், கொள்ளையில் வட மாநிலத்தை சேர்ந்தவர்கள் ஈடுபட்டதும், அவர்கள், மதுக்கரை சுகுணாபுரம், குளத்துப்பாளையம் பகுதியில் பதுங்கி இருப்பதும் தெரிந்தது. வீடு ஒன்றில் பதுங்கி இருந்த கொள்ளையர்கள் ஆஷிக்,45, இர்பான் 48, கல்லு ஆரிப்,60 ஆகிய மூவரையும், போலீசார் வலது காலில் சுட்டுப் பிடித்தனர். காயமடைந்த அவர்கள் கோவை அரசு மருத்துவமனையில் அனுமதிக்கப்பட்டனர். அங்கு அவர்களுக்கு தீவிர சிகிச்சை அளிக்கப்பட்டு வந்தது. தற்போது, ஆஷிக் சிகிச்சை பலன் அளிக்காமல் உயிரிழந்தார். நாளை பிரேத பரிசோதனை நடக்க உள்ளது. இதில் உயிரிழப்புக்கு போலீசார் துப்பாக்கிச்சூடு நடத்தியது காரணமா? அல்லது வேறு ஏதும் காரணமாக என்பது தெரியவரும். துப்பாக்கிச்சூடு குறித்தும், துப்பாக்கி சூட்டில் ஒருவர் உயிரிழந்தது தொடர்பாகவும் நீதிபதி தலைமையிலான குழு விசாரணை நடத்த உள்ளது.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்



அதிகம் விமர்ச்சிக்கப்பட்டவை