ஆ ந்திரா காரத்துக்கு இணையாக கா ரைக்குடி இறால் கிரேவி

காரைக்குடி உணவு என்றால், ஆந்திராவுக்கு நிகரான காரத்துக்கு பஞ்சம் இருக்காது. சைவம், அசைவம் உணவு வகைகளின் ருசி வேற லெவலில் இருக்கும். செய்முறை  முதலில், இறாலில் உள்ள நரம்புகளை நீக்கி, நன்கு சுத்தம் செய்து கொள்ள வேண்டும்.  பின்னர் ஒரு கடாயில் சோம்பு, மிளகு, சீரகம், மிளகாய் வத்தல், கொத்தமல்லி போன்றவற்றை லேசாக வறுத்துக் கொள்ளவும்.  சூடு ஆறியவுடன் மிக்ஸி ஜாரில் போட்டு நைஸாக அரைத்துக் கொள்ளவும். நன்கு அரைக்க முடியவில்லையென்றால், கொஞ்சம் கொஞ்சமாக தண்ணீர் சேர்த்து அரைத்துக் கொள்ளவும். இப்போது இறால் மசாலா செய்வதற்கான மசாலா ரெடி.  இதையடுத்து ஒரு கடாயில் எண்ணெய் ஊற்றி சூடானதும் கறிவேப்பிலை, இலவங்கப்பட்டை, ஏலக்காய் சேர்த்து தாளித்துக் கொள்ளவும். பின்னர் பொடியாக நறுக்கிய வெங்காயத்தை சேர்த்து பொன்னிறமாக வரும் வரை வதக்கவும்.  இதனுடன் தக்காளி சேர்த்து குறைவான வெப்பத்தில் ஒரு 10 நிமிடங்கள் நன்கு வதக்கிக் கொள்ள வேண்டும். தேவையான அளவு உப்பு சேர்த்துக் கொள்ளவும்.  நன்கு வதங்கியவுடன் அரைத்து வைத்துள்ள மசாலாவை சேர்த்து எண்ணெய் பிரிந்து வரும் வரை வதக்க வேண்டும்.  கடைசியாக இறாலை சேர்த்து ஒரு 10 முதல் 15 நிமிடங்கள் வதக்கி எடுத்தால் போதும். சுவையான காரைக்குடி ஸ்பெஷல் இறால் கிரேவி ரெடி - நமது நிருபர் - .