கோவை மாவட்ட பள்ளிக் கல்வித்துறை ஏற்பாடு / Inter Schools Sports Meet / Covai கோவை மாவட்ட பள்ளிக் கல்வித்துறை சார்பில் வடக்கு குறுமைய பள்ளிகளுக்கான தடகளப் போட்டிகள் கோவை நேரு ஸ்டேடியத்தில் துவங்கியது. 66 வது குடியரசு தின விழா விளையாட்டு போட்டிகள் கோவையில் நடக்கிறது. இதில் வடக்கு குறுமைய பள்ளிகளுக்கான தடகளப் போட்டிகள் இன்று வீரர்களின் அணிவகுப்புடன் துவங்கியது. வரப்பாளையம் பிவிஜி மெட்ரிக் பள்ளி சார்பில் நடக்கும் இப் போட்டிகளுக்கு பள்ளியின் இயக்குனர் விஸ்வநாதன் தலைமை வகித்தார். தாளாளர் முத்துலட்சுமி மாணவர்களின் அணிவகுப்பு மரியாதை ஏற்றுக்கொண்டார். மாவட்ட விளையாட்டு அலுவலர் புவனேஸ்வரி மற்றும் பள்ளி உடற்கல்வித்துறை ஆய்வாளர் குமரேசன் ஆகியோர் போட்டிகளை துவக்கி வைத்தனர். 100, 200, 400 மீட்டர் ஓட்டப்பந்தய போட்டிகள், குண்டு எறிதல், வட்டு எறிதல், ஈட்டி எறிதல், நீளம் தாண்டுதல், உயரம் தாண்டுதல் போன்ற பிரிவுகளில் இன்று போட்டிகள் நடத்தப்பட்டன. இறுதிப் போட்டி நாளை நடக்கிறது. தொடர்ந்து வெற்றி பெற்ற வீரர், வீராங்கனைகளுக்கு பரிசுகள், கோப்பைகள் மற்றும் சான்றிதழ்கள் வழங்கப்படும்.