விளம்பர படத்தில் நடிக்க பங்கஜ் திரிபாதி மறுப்பு

பாலிவுட்டின் முன்னணி நடிகர் பங்கஜ் திரிபாதி. மிர்ஸாபூர் வெப் சீரிஸ் மூலம் தமிழ்நாட்டுக்கும் அறிமுகமானர். காலா படத்திலும் நடித்திருந்தார். பங்கஜ் திரிபாதிக்கு ஒரு விளம்பர படத்தில் நடிக்க அழைப்பு வந்தது. அதை நிராகரித்துள்ள அவர் அது குறித்து கூறியிருப்பதாவது: நான் ஒரு நடிகன். வியாபாரி அல்ல. என்னுடைய நாட்டின் பொறுப்புள்ள ஒரு குடிமகனும் கூட. நான் சொல்வதையும், செய்வதையும் கோடிக்கணக்கான மக்கள் பார்த்துக் கொண்டிருக்கிறார்கள். வெறும் பணத்துக்காக நான் ஏன் அதைச் செய்ய வேண்டும்? நான் என்னுடைய கலைக்கு உண்மையானவனாக இருந்து வருகிறேன். ஒரு பிரபலமாக என்னுடைய ரசிகர்களுக்கு உண்மையாக இருக்க விரும்புகிறேன் என்கிறார் பங்கஜ் திரிபாதி.