மழை பிடிக்காத மனிதன் படப்பிடிப்பை முடித்த சரத்குமார்
ADDED : 1555 days ago
இயக்குனர் விஜய் மில்டன் தற்போது விஜய் ஆண்டனி, சரத்குமார் கூட்டணியில் மழை பிடிக்காத மனிதன் என்கிற படத்தை இயக்கி வருகிறார். கதாநாயகியாக மேகா ஆகாஷ் நடிக்கிறார். இந்தப்படத்தின் படப்பிடிப்பு தற்போது டையு டாமன் தீவில் நடைபெற்று வருகிறது. விஜய் ஆண்டனி, சரத்குமார் இணைந்து நடிக்கும் காட்சிகளின் படப்பிடிப்பு நடைபெற்று வந்த நிலையில் நேற்றுடன் சரத்குமார் நடிக்கும் காட்சிகள் அனைத்தும் படமாக்கப்பட்டு முடிக்கப்பட்டன. இதனை தொடர்ந்து படக்குழுவினரிடம் இருந்து விடைபெற்றார் சரத்குமார்.